Ish-kryeministri Sali Berisha është shprehur i vendosur për të mbledhur Kuvendin Kombëtar më 11 Dhjetor. Ndërkohë që kryetari Lulzim Basha njoftoi mbledhjen e Kuvendit më 18 Dhjetor, Berisha e njoftoi Bashën se punimet nisin në datë 11 dhe është i ftuar të marrë pjesë.
‘I them Ramës hiq dorë se do hysh në histori njësoj si daja yt që kërkoi të bllokonte pluralizimin me tanke. Idealet e demokratëve nuk i mposht askush. Pengkryetarit nuk kam mesazh të veçantë se ai komandohet nga pengmarrësi. Por i them se në 11 dhjetor je i ftuar të vish në Kuvendin e PD-së. Ky Kuvend thërritet nga anëtarësia. Ndaj dhe cilido që hyn në Kuvend, hyn strikt. E njoftoj peng-Bashën, se data 11 është vetëm data e fillimit, Kuvendi vazhdon deri në rivendosjen e pluralizmit në vend,’ deklaroi Berisha në konferencën për shtyp.
