Reagon Lulzim Basha: është akt i pastër kriminal i që i shpall luftë të hapur Partisë Demokratike
Ish-kryeministri Sali Berisha, pretendon se është kërcënuar nga miq të afërt me kryeministrin Edi Rama. Ish-kryeministri Berisha njofton përmes një mesazhi në Facebook, se ka marrë një kërcënim, i cili siç thote Berisha, ka ardhur nga biznemeni i njohur si “Beso i Tajvanit” me këtë përmbajtje.
“Beso i Tajvanit jam. Po si stë vjen turp që ke 15 vjet që meresh me mua! Tani që je deputet i thjeshtë po e kuptoj që e ke personale. Dhe une të garantoj që do ta bëj më shumë se personale. Tani do më njofësh” përfundon mesazhi që publikohet nga ish-kryeministri Sali Berisha, në profilin e tij në Facebook.
Pak minuta më pas, reagoi kryetari i ozozitës Lulzim Basha, i cili e cilësoi këtë si akt kriminal që i shpall luftë të hapur Partisë Demokratike.
Basha tha se Partia Demokratike e ngarkon kryeministrin Edi Rama me përgjegjësi politike dhe ligjore për këtë kërcënim.
Basha: “Kercenimi mafioz i Sali Berishes nga Edi Rama permes benjiaminit te tij ne afera korruptive dhe trafikun e naftes e te droges Beso i Tajvanit, pas denoncimit me fakte dhe prova te aferave korruptive qe lidhin bashke keta te dy prej 15 vitesh, eshte nje akt kriminal dhe shpallje e hapur lufte ndaj Partise Demokratike, cdo demokrati dhe demokrate dhe cdo shqiptari e shqiptare qe beson te transparenca, fjala e lire dhe barazia para ligjit. I bej me dije Edi Rames se Partia Demokratike e mban ate politikisht, ligjerisht dhe personalisht pergjegjes per kete kercenim mafioz dhe se pasojat e ketij akti do te bien personalisht mbi te dhe skoten e tij te banditeve dhe te korruptuarve me te cilet sundon Shqiperine edhe per pak kohe”.
Kërcënimi sipas përfaqësuesve të opozitës vjen pas denoncimit të tyre për koncensionin që ka përfituar shoqëria Taivan Shpk për parkingun nëntokësor tek parku “Rinia”, që e ka cilësuar korruptiv dhe klientelist.
