Lideri historik demokrat dhe ish kryeministri i Shqipërisë Sali Berisha, mbush sot 77 vjeç.
Në një postim në Facebook, Berisha thotë se është më i motivuar se kurrë, ndërsa shton se është në një mision të ri vendimtar për fatin e PD dhe demokracisë në vend.
POSTIMI I PLOTE
Sot 77 vjeç!
Miq, sot jam 77 herë i lumtur sepse kjo ditëlindje më gjen:
– Më të motivuar se kurrë në mbrojtjen e të vërtetave që unë besoj dhe,
– Në një mision të ri, jetik dhe vendimtar për fatin e Partisë Demokratike dhe demokracisë në Shqipëri!
Mirënjohje të pakufishme të Gjithëfuqishmit, familjes time, miqve dhe mbështetësve të mi në Shqipëri dhe kudo që janë, të cilët me besimin dhe mbështetjen e tyre bëjnë të mundur të përmbushim së bashku këtë mision! Lavdi Zotit!
