Ish-Kryeministri Sali Berisha ka kallëzuar në SPAK gjyqtaren Irena Gjoka për shpërdorim detyre, me argumentin se në caktimin e dy masave të sigurisë ndaj tij “detyrim paraqitje” dhe “moslejim të daljes nga territori i Shqipërisë”, nuk ka marrë leje nga Kuvendi, duke iu referuar Kushtetutës.
Paralelisht me këtë kallëzim penal ndaj Gjokës, avokati i Berishës, genc Gjokutaj, tha se është kërkuar përjashtimi i gjyqtares.
“Kemi depozituar një kallëzim në SPAK për veprën penale të shpërdorimit të detyrës dhe kemi kërkuar përjashtimin e saj nga shqyrtimi i çështjes.
Gjykimi është ndërprerë për t’u shqyrtuar kjo kërkesë sepse ju e dini se pas kërkesës për përjashtim gjyqtarët nuk mund të vazhdojnë më seancën e gjykimit dhe po presim për vendimin e shqyrtimit të kërkesës për përjashtim të saj.
Ne nuk vijmë këtu që të na jepen 2-3 orë e të lexojmë 20 mijë faqe. Ne jemi për një proces të rregullt, për një mbrojtje efektive, kështu që ne do të presim njëherë vendimin e gjykatës dhe pastaj edhe procesin me njohjen, por do të jemi në kontakt”, tha Gjokutaj.
Por në një reagim të saj, GJKKO mohon që në këtë institucion të jetë paraqitur me shkrim ndonjë kërkesë për përjashtimin e gjyqtares Gjoka, e cila është edhe kryetare e Gjykatës Kundër Krimit të Organizuar dhe Korrupsionit.
“Nuk kanë paraqitur kërkesë për përjashtim në k/sekretari, por verbalisht kanë parashtruar se do të paraqesin kërkese për përjashtim. Deri ne këto momente ende nuk është regjistruar një kërkese e tillë”, sqaron zyra e Shtypit pranë GJKKO.
Ditën e sotme seanca për rivlerësimin e masave të sigurisë ndaj deputetit Berisha nuk u zhvilluan, ndërsa u caktua që seanca të mbahet të mërkurën në orën 14:30. Nuk dihet nëse ditën e nesërme kjo seancë do të zhvillohet ose jo.
Ish-Kryeministri Sali Berisha ka kallëzuar në SPAK gjyqtaren Irena Gjoka për shpërdorim detyre, me argumentin se në caktimin e dy masave të sigurisë ndaj tij “detyrim paraqitje” dhe “moslejim të daljes nga territori i Shqipërisë”, nuk ka marrë leje nga Kuvendi, duke iu referuar Kushtetutës.
Paralelisht me këtë kallëzim penal ndaj Gjokës, avokati i Berishës, genc Gjokutaj, tha se është kërkuar përjashtimi i gjyqtares.
“Kemi depozituar një kallëzim në SPAK për veprën penale të shpërdorimit të detyrës dhe kemi kërkuar përjashtimin e saj nga shqyrtimi i çështjes.
Gjykimi është ndërprerë për t’u shqyrtuar kjo kërkesë sepse ju e dini se pas kërkesës për përjashtim gjyqtarët nuk mund të vazhdojnë më seancën e gjykimit dhe po presim për vendimin e shqyrtimit të kërkesës për përjashtim të saj.
Ne nuk vijmë këtu që të na jepen 2-3 orë e të lexojmë 20 mijë faqe. Ne jemi për një proces të rregullt, për një mbrojtje efektive, kështu që ne do të presim njëherë vendimin e gjykatës dhe pastaj edhe procesin me njohjen, por do të jemi në kontakt”, tha Gjokutaj.
Por në një reagim të saj, GJKKO mohon që në këtë institucion të jetë paraqitur me shkrim ndonjë kërkesë për përjashtimin e gjyqtares Gjoka, e cila është edhe kryetare e Gjykatës Kundër Krimit të Organizuar dhe Korrupsionit.
“Nuk kanë paraqitur kërkesë për përjashtim në k/sekretari, por verbalisht kanë parashtruar se do të paraqesin kërkese për përjashtim. Deri ne këto momente ende nuk është regjistruar një kërkese e tillë”, sqaron zyra e Shtypit pranë GJKKO.
Ditën e sotme seanca për rivlerësimin e masave të sigurisë ndaj deputetit Berisha nuk u zhvilluan, ndërsa u caktua që seanca të mbahet të mërkurën në orën 14:30. Nuk dihet nëse ditën e nesërme kjo seancë do të zhvillohet ose jo.
