Lulzim Basha ka ftuar të gjithë demokratët në selinë blu, në ditëlindjen e Partisë Demokratike, nesër më 11 Dhjetor. Në ftesën e tij Basha i fton ata të kremtojnë së bashku këtë moment në rëndësishëm të themelimit të partisë në orën 12:00.
Sakaq, ftesa e kryedemokratit vjen ndërkohë që nesër lideri historik i demokratëve do të mbajë Kuvendin e thirrur me firmat e delegatëve.
“Demokracia u transformua nga një koncept në një ideal të pathyeshëm më 11 Dhjetor 1990, në ditën kur vlerat dhe liria e shqiptarëve triumfuan mbi gjithçka! Le ta kremtojmë së bashku këtë ditë të shënuar. Selia qendrore e Partisë Demokratike, Tiranë, ora 12:00”, shkruhet në ftesë.
