Ish kryeministri Sali Berisha dhe kreu Partisë së Lirisë, Ilir Meta sapo kanë dalë nga selia e PD, dhe kanë marshuar së bashku për t’ju bashkuar protestuesve në Bulevard. Protesta e opozitës zhvillohet në njëjtë kohë me Samitin e BE, ku 27 liderë janë bërë bashkë në kryeqytetin shqiptar.
Pjesa më e madhe e protestuesve janë nisur mbrëmjen e djeshme dhe një pjesë tjetër janë nisur sot me mjetet e tyre private drejt Tiranës. Ndërkohë kryeqyteti është blinduar totalisht duke qenë se po mbahet Samiti BE-Ballkani Perëndimor.
I gjithë perimetri i sigurisë është blinduar nga forca të shumta policie. Bulevardi “Dëshmorët e Kombit” që ishte dhe synimi i PD-së është i rrethuar me barriera metalike. Uniformat blu janë të panumërt ndërkohë që në tarracat e çdo godine ka gjithashtu forca sigurie me snajper.
