Ish kryeministri Sali Berisha në një prononcim për mediat i ka bërë thirrje socialistëve që të largojnë sa më parë kryeministrin Edi Rama, pasi sipas tij është rrezik kombëtar.
Pas vizitës së ekspozitës së Avni Delvinës, Berisha tha se çdo gjë ka një fund dhe ky fund është i afërt.
“Siç e patë erdha këtu të vizitoj një ekspozitë nga piktori Avni Delvina. Ekspozitë e frymëzuar nga transformimi i Donald Trump. Çdo gjë ka një fund dhe ky fund është i afërt. U bëj thirrje socialistëve në interesin më të mirë të tyre që të largojnë me urgjencë Edi Ramën dhe klikën e tij nga pushteti sepse e them me bindjen time më të thellë se urrejtja ndaj tij bëhet çdo ditë më e pakufishme. Të mos lejojnë përshkallëzimin e situatës sepse ky është një revolucion i nisur nga studentët. Çdo javë e Ramës në pushtet është rrezik kombëtar”- tha Berisha.
