Ish-kryeministri Sali Berisha bojkotoi seancën plenare pasi kryetarja Ermonela Felaj nuk i dha fjalën për replikë me kryeministrin Edi Rama, por në vend të tij doli të fliste deputetja demokrate Jorida Tabaku.
Duke folur për gazetarët jashtë sallës së Kuvendit, Berisha është pyetur ndër të tjera për zgjedhjen e Presidentit të ri, ku bëri akuzën e fortë se Partia Socialiste po tenton te blejë deputetët.
“Kanë nisur punën për të blerë deputetë. Do të dështojnë me turp. Po nuk njohën grupin dhe vazhdojnë blerjen do dështojnë me turp të madh” tha ish-kryeministri.
Gjithashtu, Berisha është ndalur sërish tek mbledhja e Grupit Parlamentar të PD, duke thënë se ky grup do të ketë mbledhje të tjera ku ai do të jetë i pranishëm. Për sa i përket kundërshtive nga deputetët e PD, Berisha u shpreh se diversiteti e bën më demokratik procesin e ribashkimit.
