Një 38 vjeçar është arrestuar nga Policia në Lushnje pasi është konfliktuar me nënën e tij si dhe i është gjetur një pistoletë me silenciator.
38 vjeçari me iniciale E.D. ishte banues ne Dushk dhe fatmirësisht ra në prangat e policisë përpara se sherri të degjeneronte në krim në familje.
Policia sekuestroi gjithashtu edhe 43 fishekë luftarakë.
Njoftimi i Policisë:
Reagimi në kohë i policisë parandalon një krim brënda familjes
Arrestohet në flagrancë 38-vjeçari, pasi dyshohej se do kryente krim të rëndë në familje, pas konfliktit me nënën e tij.
Sekuestrohet 1 armë zjarri pistoletë, me silenciator dhe 43 fishekë.
Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin:
E.D, 38 vjeç, banues në Dushk, Lushnjë.
Policia e Lushnjës ka marrë njoftim në rrugë operative se ky shtetas po konfliktohej me nënën e tij, në banesën e tyre, në Dushk të Lushnjës.
Policia ka vlerësuar menjëherë informacionin dhe falë reagimit në kohë u bë e mundur kapja në flagrancë e tij dhe gjetja në trup e një arme zjarri pistoletë me silenciator.
Gjithashtu në cilësinë e provës materiale u sekuestruan edhe 43 fishekë luftarakë.
Materialet do i kalojnë Prokurorisë pranë Gjykatës së Shkallës Parë Lushnjë për veprat penale “Prodhimi dhe mbajtja pa leje e armëve dhe municionit luftarak” dhe “Dhuna në familje”.
