Një drejtues mjeti në gjendje të dehur dhe me shpejtësu të madhe ka përplasur mbrëmjen e djeshme një automjet të policisë rrugore.
Ngjarja ndodhi në aksin rrugor nacional Berat-Urë Vajgurore, në afërsi të një karburanti. Automjeti i policisë me targa MB 326 po kryente veprimet e para hetimore të aksidentit të djeshëm që i mori jetën një endacaku.
Drejtuesi i mjetit i identifikuar si Fatos Çuni, me targa AA 541 SY, goditi makinën e policisë, dhe pas goditjes ka dalë në rrugë dhe ka ofenduar e sharë të gjithë efektivët që ndodheshin në vendngjarje.
Pas kësaj, ai është larguar nga vendngjarja, por unifromat blu kanë bërë të mundur arrestimin e tij.
