Kryetari i Rrogozhinës, Beqir Nuredini ka reaguar ashpër ndaj qëndrimit amfib të Ilir Metës gjatë vizitës së tij në Athinë.
Sipas të zgjedhurit vendor të PDIU-së, Çështja e shqiptarëve të Çamërisë është çështje e dinjitetit njerëzor e kombëtar dhe jo peng i mediokritetit të politikës së ditës.
Më poshtë deklarimet e Beqir Nuredinit në rrjetet sociale:
“Me qetësi e dashuri” ju thotë Ilir Meta grekëve, a thua se po bën pazarin e radhës mes Bashës e Ramës…
Po a e di o zotëri që Çështja e shqiptarëve të Çamërisë është çështje e dinjitetit njerëzor e kombëtar?
Me titullin kryetar i Kuvendit të Shqipërisë nuk mund të sillesh si ai që “për inat të sime vjehrre shkon e flen’ me mullixhinë”.
Në këtë rast, është meskinitet dhe mediokritet i madh të kufizosh Çështjen Kombëtare me disa llogari elektorale.
Çështja Çame në këtë vend ka qenë përherë peng i humorit politik dhe interesave mediokre të lidershipit.
Ndoshta tani që erdhi ora europiane e kësaj tragjedie që kërkon zgjidhje, ata që vendosin shkopinj në rrota ngjajnë më së shumti si Mbreti lakuriq.
https://www.facebook.com/bushi.nuredini?fref=nf&pnref=story.unseen-section
