Një aksident i rëndë që ka ndodhur sot pranë kryqëzimit të Patokut në aksin Milot- Mamurras, i ka marrë jetën një vajze.
Ajo ishte duke udhëtuar në mjetin tip “Fiat” së bashku me 2 motrat e saj në momentin kur u përplasën nga një “Benz” që po lëvizte në sensin e kundërt.
Si pasojë e aksidentit të rëndë kanë përfunduar në spital edhe dy motrat e viktimës e 2 personat që ishin në “Benz”.
Sipas policisë, shkak për aksidentin ka qenë automjeti tip “Benz” me targa AA308KH i cili dyshohet të ketë qenë duke levizur në sensin e kundërt dhe është përplasur me mjetin tip “Fiat” me targa AA935IO. Automjeti “Benz” drejtohej nga Bardhok Tuçi.
Dy motrat e plagosura janë njëra me profesion mësuese dhe tjetra bashkëshortja e drejtorit të spitalit të Laçit.
