Një status i Beniada Nishanit po interpretohet në rrjetet sociale si ironi ndaj tre finalistëve të tjerë të edicionit të parë të “Big Brother VIP”. Modelja ka shpërndarë një status në rrjetin e saj social Instagram nga një faqe që shkruan: “Personi i vetëm që shkoi në finale pa parashuta e drona, po me forcat e veta. Bravo. Kështu vazhdo!”
Beniada i ka bërë repost postimit në llogarinë e saj duke shkruar: “Nuk mund ta harroj kurrë mbështetjen tuaj”, duke nënkuptuar se është dakord me fjalët e shkruara.
Ky status vjen një ditë pas deklaratës së Beniadës për çiftin Beatix-Donald. Ajo realizoi një intervistë virtuale me ndjekësit e saj duke iu drejtuar pyetjen: “Çfarë ju bën të lumtur?” Dikush ka shkruar Donald dhe Trixa, duke shoqëruar me një zemër të thyer. E menjëhershme ka qenë edhe përgjigjja e modeles e cila u duke se ka ironizuar dyshen duke i thënë ndjekëses të flejë rehat. “Ku të shkon mendja, moj ku të shkon mendja. Futja gjumit, flej rehat.”
Pasi videoja e saj po interpretohej në mënyra të ndryshme dikush e ka pyetur: “Nuk e kuptova të qeshurën tënde në ask-un që kishte të bënte me Trixën. Është shoqja jote“. Beniada ka ndarë një video duke sqaruar: “Mund të dukem unë si njeriu që tallet për diçka të tillë? Jo. Është thjesht ‘futja gjumit dhe mos e vrit shumë mendjen’. Sepse ata janë shumë të lumtur dhe Trixa nuk ka nevojë për askënd”.
