Kryeministri Edi Rama në një prononcim për mediat nga Kuvendi i Shqipërisë është shprehur se kanë arritur t’i japin Shqipërisë një president normal.
“Kemi arritur qartësisht objektivin që kemi pasur që në krye të herës. Të gjitha reagimet flasin për këtë. Përjashtuar ndonjë reagim pa lidhje të hapësirës politike, flas përtej saj. I kemi dhënë Shqipërisë një president normal, një figurë të pakontestueshme në aspektin e integritetit, të humanizimit dhe të përkushtimit për vendin dhe për njerëzit,” tha Rama.
President mbi palët? Si ndiheni?
Nuk ka asnjë rëndësi se cili ka qenë përfundimi i procesit, rëndësi ka qe procesi u kurorëzua me një provë për të gjithë se PS është këtu për më të mirën dhe njerëzit. Zgjedhjet dhe vendimi ynë është në interes të vendit dhe shqiptarëve, jo të njërës palë.
