Kreu i Shtetit Bajram Begaj i është drejtuar me një kërkesë zyrtare Komisionit Qendror të Zgjedhjeve për të tërhequr vendimin për shpalljen e rezultateve përfundimtare të zgjedhjeve vendore të vitit 2019.
Kjo pasi ish presidenti Ilir Meta nuk i njohu zgjedhjet e 30 qershorit 2019 të cilat opozita i bojkotoi. Madje ky i fundit nuk ishte dakord as me vendimin e Gjykatës Kushtetuese e cila hodhi poshtë kërkesën e Shoqatës së Bashkive, të cilat pretendonin jo kushtetuetshmërinë e zgjedhjeve.
Ndryshe nga Meta, Begaj ka treguar që në ditët e para të detyrës se i qëndron besnik Ramës duke kërkuar sëfundmi të caktojë dhe dekretojë datën e zgjedhjeve të ardhshme vendore. Zgjedhjet vendore pritet të mbahen vitin e ardhshëm.
