Bashkimi Europian ka vendosur që t’u japë qëndrim të përkohshëm ukrainasve që largohen nga lufta, deri në tre vite. Ministrat e BE-së i dhanë dritën jeshile planeve për strehimin e refugjatëve me anë të një vendimi që u mor këtë të enjte në një takim në Bruksel.
Sipas BBC, unioni aktivoi një mekanizëm që nuk është përdorur kurrë më parë, për t’u siguruar shtetasve ukrainas dhe familjeve të tyre të drejtën për punë, arsim dhe mirëqenie.
Ditë më parë, Hungaria u shpreh kundër këtij vendimi. Por megjithatë, Komisioni Europian e cilësoi vendimin e sotëm si “unanim”. Më tepër detaje për funksionimin e këtij mekanizmi do të jepen ditën e nesërme (4 mars).
