Bayerni nuk ka arritur te fitorja, duke u ndalur në fushën e Eintracht Frankfurt në një barazim 2-2.
Bayerni ka arritur të zhbllokoj rezultatin që në minutën e 10, por vendasit reaguan në fundin e pjesës së parë me anë të Huszti-t duke barazuar rezultatin.
Edhe në fillimin e pjesës së dytë, Bayern-i gjen golin këtë radhë me Kimmich. Kur u mendua se kampionët e Gjermanisë e siguruan fitoren vendasit shënojnë sërish në minutën e 78 me Fabian për 2-2, rezultat që mbeti i pandryshuar deri në fundin e takimit, pavarësisht përpjekjeve të bavarezëve.
Bayerni vazhdon të mbajë vendin e parë në renditje me 17 pikë, dy më shumë se Koln-i i vendit të dytë.
