Kryetarët e disa bashkive të vogla në vend në katër vite nuk ndihen fare, as nuk duken të bëjnë ndonjë investim në zonën që përfaqësojnë. Por, sa afrojnë zgjedhjet dhe shtohet rreziku për karrigen, ata zgjohen dhe fondet që kanë i derdhin në tenderë, për të bërë pak propagandë. Kështu po bën kryetarja e Bashkisë Patos, Rajmonda Balilaj dhe kryetari i Bashkisë Finiq, Kristo Kiço.
Ata kanë shpenzuar 183 milionë lekë për të riparuar nga një rrugicë në qytezat e tyre. Paratë ishin ruajtur në arkën e bashkive për këto zgjedhje. Të dy i kanë lidhur kontratat në një ditë dhe më të njëjtin operator. Pra, siç duket një urdhër nga lart i ka detyruar t’ia xhirojnë paratë kompanisë së paracaktuar.
Konkretisht, Bashkia Patos ka zhvilluar tenderin me objekt “Rikonstruksion dhe shtrim me asfaltobeton të rrugës Xhepaj, Siqecë”. Për asfaltin që do t’i hidhet kësaj rrugice, Balilaj ka vënë në dispozicion 100 milionë lekë. Tenderi i është dhënë pa garë firmës “Shendelli” Sh.p.k, në pronësi të Yzedin Bozhajt.
5 firma të tjera kanë paraqitur ofertë më të lirë se fituesi, i cili ka kërkuar 82 milionë lekë. Por të gjitha janë skualifikuar që në fazën e parë. Kështu në fazën e dytë mbeti në garë vetëm firma në fjalë. Pra, pa zhvilluar një procedurë sipas ligjit, Balilaj e firmosi kontratën.
Në dokumente parashikohet që punimet për këtë rrugicë do të zgjasin 3 muaj, pra deri në fund të Majit 2023. Duket qartë që Balilaj e ka llogaritur mirë që gjatë fushatës të vazhdojnë punimet në këtë rrugicë.
Tenderi i Bashkisë Finiq
Të njëjtën taktikë ka ndjekur dhe Bashkia Finiq. Kryetari Kristaq Kiço ka hedhur 83 milionë lekë për tenderin me objekt “Rikonstruksion i rrugës së fshatit Dhivër me shtresë asfalti”. Fshati Dhivër ka shumë mungesa të tjera, që e kanë lënë atë në harresë dhe janë bërë që të braktiset nga njerëzit. Por, Kiço nuk ka menduar asnjëherë për këtë pjesë. Atij i intereson se si të fitojë sërish vota në 14 maj. Prandaj sikur kolegët e tij, edhe ai përdor projektin për shtrim rruge si propaganda më e dukshme për të bërë fushatë.
Kështu për të mos humbur më shumë kohë dhe duke qenë se nuk është marrë fare më këto lloj projektesh në këto vite, kryebashkiaku ia ka dhënë tenderin një firme të paracaktuar. Në dokument thuhet se fituesi është bashkimi i operatorëve JODY-KOMPANY” shpk & “SHENDELLI” shpk. Shohim se del në skenë sërish firma e Yzedin Bozhajt, i cili me sa duket po bëhet një mbështetës i mirë i bashkive për fushatë.
Në të dyja rastet, Bozhaj ka përfituar kontratat në shkelje të ligjit. Të dy tenderët kanë shkelur konkurrencën dhe monitoruesi Open Data Albania iu ka dhënë “Flamurin e Kuq”. Ndërkohë, APP dhe institucione të tjera përgjegjëse bëjnë sikur nuk i shohin këto abuzime, që bëhen barrë mbi supet e qytetarëve.
Lexo edhe: Denoncimi i Hoxhës: 11 tendera korruptivë në bashkinë e Vorës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Kryetarët e disa bashkive të vogla në vend në katër vite nuk ndihen fare, as nuk duken të bëjnë ndonjë investim në zonën që përfaqësojnë. Por, sa afrojnë zgjedhjet dhe shtohet rreziku për karrigen, ata zgjohen dhe fondet që kanë i derdhin në tenderë, për të bërë pak propagandë. Kështu po bën kryetarja e Bashkisë Patos, Rajmonda Balilaj dhe kryetari i Bashkisë Finiq, Kristo Kiço.
Ata kanë shpenzuar 183 milionë lekë për të riparuar nga një rrugicë në qytezat e tyre. Paratë ishin ruajtur në arkën e bashkive për këto zgjedhje. Të dy i kanë lidhur kontratat në një ditë dhe më të njëjtin operator. Pra, siç duket një urdhër nga lart i ka detyruar t’ia xhirojnë paratë kompanisë së paracaktuar.
Konkretisht, Bashkia Patos ka zhvilluar tenderin me objekt “Rikonstruksion dhe shtrim me asfaltobeton të rrugës Xhepaj, Siqecë”. Për asfaltin që do t’i hidhet kësaj rrugice, Balilaj ka vënë në dispozicion 100 milionë lekë. Tenderi i është dhënë pa garë firmës “Shendelli” Sh.p.k, në pronësi të Yzedin Bozhajt.
5 firma të tjera kanë paraqitur ofertë më të lirë se fituesi, i cili ka kërkuar 82 milionë lekë. Por të gjitha janë skualifikuar që në fazën e parë. Kështu në fazën e dytë mbeti në garë vetëm firma në fjalë. Pra, pa zhvilluar një procedurë sipas ligjit, Balilaj e firmosi kontratën.
Në dokumente parashikohet që punimet për këtë rrugicë do të zgjasin 3 muaj, pra deri në fund të Majit 2023. Duket qartë që Balilaj e ka llogaritur mirë që gjatë fushatës të vazhdojnë punimet në këtë rrugicë.
Tenderi i Bashkisë Finiq
Të njëjtën taktikë ka ndjekur dhe Bashkia Finiq. Kryetari Kristaq Kiço ka hedhur 83 milionë lekë për tenderin me objekt “Rikonstruksion i rrugës së fshatit Dhivër me shtresë asfalti”. Fshati Dhivër ka shumë mungesa të tjera, që e kanë lënë atë në harresë dhe janë bërë që të braktiset nga njerëzit. Por, Kiço nuk ka menduar asnjëherë për këtë pjesë. Atij i intereson se si të fitojë sërish vota në 14 maj. Prandaj sikur kolegët e tij, edhe ai përdor projektin për shtrim rruge si propaganda më e dukshme për të bërë fushatë.
Kështu për të mos humbur më shumë kohë dhe duke qenë se nuk është marrë fare më këto lloj projektesh në këto vite, kryebashkiaku ia ka dhënë tenderin një firme të paracaktuar. Në dokument thuhet se fituesi është bashkimi i operatorëve JODY-KOMPANY” shpk & “SHENDELLI” shpk. Shohim se del në skenë sërish firma e Yzedin Bozhajt, i cili me sa duket po bëhet një mbështetës i mirë i bashkive për fushatë.
Në të dyja rastet, Bozhaj ka përfituar kontratat në shkelje të ligjit. Të dy tenderët kanë shkelur konkurrencën dhe monitoruesi Open Data Albania iu ka dhënë “Flamurin e Kuq”. Ndërkohë, APP dhe institucione të tjera përgjegjëse bëjnë sikur nuk i shohin këto abuzime, që bëhen barrë mbi supet e qytetarëve.
Lexo edhe: Denoncimi i Hoxhës: 11 tendera korruptivë në bashkinë e Vorës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
