Ambasadori i delegacionit të Komisionit Evropian në Tiranë Luigi Soreca në një takim me diplomatë që ka përfunduar para pak minutash, u ka thënë publikisht të pranishmëve se BE do të nxjerrë një deklaratë për pak minuta ku do kërkojë tërheqjen e paketës “antishpifje” iniciuar nga qeveria kundër medias.
Deri në momentin që flasim deklarata nuk është bërë publike. Sipas asaj që u ka thënë Soreca ambasadorëve, deklarata do të vijë nga Brukseli, dhe jo nga zyra e Tiranës.
Gjithë komuniteti ndërkombëtar ka ngritur shqetësimin për paktën “antishpifje” iniciuar nga qeveria kundër portaleve në Shqipëri, por qeveria ka vendosur ta kalojë nesër në seancë plenare. BE nuk do ta lejojë këtë gjë. Pritet të shihet sesi do të reagojë maxhoranca. /NEWSBOMB.AL
