“Të pastrojmë Tiranën” nisi nga ora 09.00 e mëngjesit
Bashkia e Tiranës e ka shpallur këtë të dielë ditë të aksionit për pastrimin e qytetit. Në krye të aksionit “Të pastrojmë Tiranën” është vetë kryebashkiaku Erion Veliaj. Në disa lagje të kryeqytetit aksioni ka nisur që në orën 09.00 të mëngjesit. Vetë kryebashkiaku ka dhënë kontributin e vet për pastrim në rrugën “Dërvish Luzha”, ngjitur me rrugën “5 Maji”. Drejtues të Bashkisë thanë për mediat se për këtë aksion ka një angazhim të gjerë të strukturave bashkiake. Nënkryetari I bashkisë ka deklruar se “Një punë shumë e madhe është bërë dhe nga 24 administratorët e njësive që kanë bërë të mundur që mbulimi të jetë sa më kapilar. Janë menduar 23 pika grumbullimi për 11 njësitë administrative të qytetit të Tiranës sëbashku me tre njësitë e tjera Dajtin, Farkën dhe Kasharin. Aksionet për pastrimin e qytetit janë një nismë e nisur nga Bashkia që në shtator të 2015.
