Bashkia e Tiranës ka nisur investimin për ndriçimin e rrugës dhe urbanizimin e segmentit te mbikalimi i Kamzës. Kryebashkiaku Erion Veliaj ka theksuar se një tjetër hyrje e kryeqytetit do të merrte një pamje dinjitoze.
“Por veç këtyre, zona do të ketë edhe urbanizim, do të jenë 115 shtylla, 210 ndriçues, 3 km urbanizim me sinjalistike, me kanale të ujërave të zeza dhe infrastrukturën e nevojshme për këmbësorët”, është shprehur Veliaj.
“Jam shumë entuziast sepse po fillojmë një projekt të ri, është hyrja veriore e Tiranës. Për këtë vit kemi planifikuar dy hyrje të tjera, hyrja nga Kamza dhe hyrja nga Kombinati. Sot fillojmë punën e hyrjes nga veriu, që është hyrja nga Kamza, besoj që jo vetëm është një hyrje dinjitoze për Tiranën, por është ndoshta kontrasti më i madh sesi menaxhohet Tirana dhe si menaxhohet Kamza”, tha Veliaj.
