Bashkia e Tiranës sqaron të gjithë tregtarët e tregut informal të rrobave të përdorura tëk spitali nr.5 në Tiranë se aktiviteti i tyre do të spostohet në tre zona të tjera të Tiranës, me kushte të përshtatshme për tregtim. Zonat janë Uzina Dinamo, tregu në Kodër Kamëz, dhe ish Fonderia Mekanike.
Nëpërmjet një njoftimi për mediat, Bashkia është shprehur se tregu tek spitali nr.5 nuk garantonte kushtet minimale për të mbrojtur konsumatorët.
Njoftimi:
“Në kuadër të politikave zhvilluese për tregjet publike, por njëkohësisht duke respektuar të gjithë parametrat e funksionimit normal të tregjeve, kushtet e tregtimit dhe mbrojtjen e konsumatorit, Bashkia e Tiranës ka kryer gjatë vitit 2016 një studim për të formalizuar dhe rregulluar tregtimin e rrobave të përdorura, duke dhënë propozimet e mëposhtme:
1-Krijimin e 3 pikave të ndryshme në Tiranë për spostimin e tregtisë së rrobave të përdorura;
2-Zonat janë a) Uzina Dinamo, b) Tregu në Kodër Kamëz, dhe c) ish Fonderia Mekanike
3-Kjo politikë synon formalizimin e tregtarëve informalë dhe lejon tregtimin e rrobave të përdoruara në kushte dhe mjedise të përshtatshme.
Tregtimi vend e pa vend i rrobave të përdorura ka qenë shpeshherë objekt i ankesave të qytetarëve të ndryshëm dhe njëkohësisht, sipas studimeve të ISHP dhe AMK-së përbën një ngarkesë të madhe mikrobiale në mjedis.
Në këtë studim është shumë i qartë dhe i hartëzuar vendodhja e tregtimit, arsyeja pse bëhet, si dhe theksohet që BT nuk po i nxjerr në rrugë tregtaret, por u ofron atyre formalizim dhe kushte tregtimi sipas standarteve të lejuara.”
