Kryetari i Partisë Demokratike, Lulzim Basha ka uruar politikanin gjerman Friderich Merz për rikonfirmimin në krye të CDU-së. Me anë të një postimi në Twittter, Basha shkruan se PD pret të punojë gjithnjë e më afër.
Basha shprehet se duhet një partneritet i fortë për vlerat europiane dhe për të ardhmen e Shqipërisë.
“Urimet më të përzemërta për partinë tonë simotër CDU për konfirmimin e FriderichMerz si udhëheqësin e saj të ri. PD Shqiperi dhe unë presim të punojmë gjithnjë e më afër së bashku, në partneritet të fortë për vlerat evropiane dhe të ardhmen evropiane të Shqipërisë” – shkruan Basha në Tëitter.
Deputeti konservator Friedrich Merz është zgjedhur lider i Unionit Kristian Demokrat të Gjermanisë CDU, duke premtuar një “fillim të ri” për një parti që ende po lëkundet nga humbja e saj në zgjedhjet e Bundestagut, shtatorin e kaluar.
Merz u zgjodh me 94.62 % të votave të delegatëve në një konferencë të partisë CDU-s, pasi premtoi të formonte një “opozitë të fuqishme” ndaj kancelarit socialdemokrat Olaf Scholz dhe koalicionit të tij SPD-jeshile-liberale.
