Dorëheqja e Lulzim Bashës nga posti i kryetarit të partisë u shoqërua me reagime të shumta.
Edhe ish-kandidati për kryetar të PD Fatbardh Kadilli ka komentuarzhvillimet më të fundit në Partinë Demokratike.
I pyetur nëse do të rikandidonte për postin e kryetarit të PD-së, Kadilli u shpreh se nëse grupi i deputetëve të cilët kanë marrë përsipër të drejtojnë partinë do të tregohen serioz duke mos i shërbyer as Bashës as Berishës, atëhere do të ketë vend për secilin që mendon se ka diçka të vlefshme për t’i ofruar PD-së.
“Unë jam i bindur që kam çfarë t’i kontribuoj dhe ofroj Partisë Demokratike. I kam propozuar në manifestin tim në garën e kaluar mënyrën, rrugën sesi ngrihet PD-ja, se si riformatohet politikisht opozita dhe e djathta politike. Mbetem gjithmonë i angazhuar për ta përsëritur propozimin tim të sjellë me kohë, për ta pasuruar këtë propozim me më tepër vlera që i tejkalojnë ato që janë interesat e një partie, por sot jemi në një realitet disi të përçudnuar”, shprehet Kadilli.
