Kreu i opozitës premton futjen në program të rritjes së pagës minimale
Kjo Maxhorancë po I rrit vendet e punës në mënyrë imagjinare. Kështu u ka thanë sindikalistëve kreu i Partisë Demokratike Lulzim Basha. Ai ka premtuar se forca e tij politike po shikon mundësitë reale që në programin e saj të përfshijë edhe rritjen e pagës minimale. “Pushim nga puna të mbi 75 mijë punonjësve vetëm në shtator-tetor 2015. Qeveria i qaset me shkopinj cinikë të propagandës dhe aksione mediatike. 30 mijë vende vakante pune deklaroi kryeministri, 200 mijë ministri i Mirëqënies Sociale. Me këtë ritëm vendet imagjinare të punës pas pak javësh do të 3-4 fishohen. Departamentet e PD kanë përfunduar projektprogramet e zhvillimit që do t’i konsultojmë me partnerët sociale, bizneset, sindikatat. Do të kalkulojmë mundësitë reale sidomos të pagës minimale që është dhe referencë për pagat”, ka deklaruar Basha. Kreu i PD-së ishte i pranishëm në takimin që shënoi 25-vjetorin e krijimit të Bashkimit të Sindikatave të Pavarura.
