Kreu i PD, Lulzim Basha ka zhvilluar mesditën e sotme takime me qytetarët e bizneset në Njësinë Nr.2 në Tiranë.
Basha thotë se biznesi i vogël do të jetë në qendër të prioriteteve të tij si kryeministër i ardhshëm dhe qeverisë së PD.
Pjesë nga biseda
LULZIM BASHA: Më mirë do të jemi. Më 25 prill do të bëhemi të gjithë bashkë. Fitore të përbashkët.
QYTETARI: Jemi krenar që kemi një lider të tillë.
LULZIM BASHA: Do ju shërbej nga mëngjesi në darkë.
QYTETARI: Të njoh që të vogël. Me numër 58 je regjistruar për herë të parë në PD.
LULZIM BASHA: Nxirrni gjithë komshinjtë, miqtë e familjarët. Do jemi të gjithë bashkë si një familje. Siç po vjen kjo pranverë do të vijë dhe fitorja. Era e ndryshimit po fryn kyudo. Biznesi i vogël në qendër të prioriteteve tona.
QYTETARJA: Merre njëherë në dorë këtë vend
QYTETARI: Shyqyr o vllai, se vetëm komunista na kanë ardhur. E kemi lakun në fyt. Votën e ke marrë gjithmonë, të shohim zgjidhjen. Mos ngelet tek fjalët.
LULZIM BASHA: Ne vijmë me plane, me ekspertë. Do bëjmë gjithçka për t’ju ndihmuar. Vështirësitë kryesore jua dimë. çmimi i energjisë në stratosferë. Nafta po. Kur të ndihmojmë sipërmarrësin do ju ndihmojmë dhe ju të punësuarit.
QYTETARI: Me Edi Ramën i kemi të gjitha të zezat.
LULZIM BASHA: Ai do humbë, Shqipëria do të fitojë. Më 25 prill do ja shohim hajrin. Po vjen pranvera, mos harroni numrin 9, për ndryshimin për gjithë Shqipërinë.
