Lideri i Opozitës Lulzim Basha ka zhvilluar sot një takim me sipërmarrësit në Sauk.
Një prej sipërmarrësve theksoi se problem janë çmimet e ulëta të cilat janë krijuar për shkak të situatës së pandemisë. Ndërkohë Basha u shpreh se Shqipëria është në një krizë të thellë ekonomike.
“Shqipëria është në krizë të thellë ekonomike. Qeveria vazhdon me gjoba, për të mbushur xhepat dhe për t’i shërbyer bosëve të korruptuar. Këta janë turrur sikur nuk do të ketë të nesërme. I bëj një paralajmërim çdo punonjësi që abuzon me detyrën se asgjë nuk do të harrohet dhe nuk do të falet”, tha Basha.
