Pas mbledhjes së grupit parlamentar, kryedemokrati Lulzim Basha ka deklaruar se PS donte që vettingu t’i kalonte KLP e KLGJ e kontrolluar nga Rama, dhe se nuk ka qenë vullnet i tyre zgjatja e afatit të organeve të vettingut. Basha tha para gazetarëve se PD do të bëjë çdo gjë për integrimin e BE-së.
Gjithashtu, ai sulmoi dhe Metën, Ramën dhe Berishën, duke thënë se bënë gjithçka të largojnë ONM nga Shqipëria e Vettingu të shkojë në drejtim të paditur.
“Ne nuk i japim votë PS, sot PS donte që vettingut t’i kalonte KLP e KLGJ e kontrolluar nga Rama. Ti themi shqiptarëve të vërtetat. KLGJ e KLP janë të kapura nga PS. Ajo që ndodh është kjo, ne sot me ndihmën e partnerëve SHBA, BE, ambasadorët Kim e Soreca në veçanti sepse nuk ka qenë vullneti politik i PS që sot të votohen këto të dyja, tani është vullnet për shkak të prioritetit kryesor të shqiptarëve luftën kundër korrupsionit kudo që ndodhet. Reforma territoriale, një aspiratë e cdo shqiptari, dhe reforma zgjedhore që vendit ti kthehet vota e lirë. Nuk jemi tërhequr, vetingu i politikanëve, reforma zgjedhore dhe gjithçka e dokumentuar nga PD janë dhe mbeten prioritetet kryesore.”– u shpreh Basha.
