Një ditë pas protestës së 13 Majit, kreu i PD Lulzim Basha ka deklaruar se protestuesit ditën e djeshme kanë sfiduan provokimet e shantazhet, duke iu referuar deklaratave dhe ironive të shumta nga kreu i qeverisë Rama.
Me anë të një statusi në Facebook, Basha ka falënderuar të gjithë protestuesit që morën pjesë.
Basha shkruan se protesta e opozitës ka sfiduar propogandën qeveritare si dhe ka ritheksuar se protesta është bërë për të ardhmen e këtij vendi.
“Dua t’ju falenderoj nga zemra gjithësecilin prej jush, qindra mijëra bashkëqytetarët e mi që sfiduat frikën, sfiduat provokimet e shantazhet, sfiduat propogandën qeveritare dhe u ngritët me shpresë dhe besim në zemër për të ardhmen tuaj dhe të fëmijëve tuaj në sheshin e Republikës së Re”, shkruan Basha.
