Pas pak tensioneve të krijuara në sallën e Kuvendit, kreu demokrat, Lulzim Basha, është larguar nga salla e Kuvendit bashkë me përfaqësuesit e tjerë të opozitës.
Basha pohoi se Tahiri mund të ishte peshku i parë i kapur, për t’i lënë rrugë peshqve të tjerë.
“Skandali më i madh në 27 vite histori është rrëmbimi i Nazer Setiti, qenka mbajtur shënim se sa para i janë dhënë Tahirit, Ramës, sa për zyrtarët e tjerë të lartë të kësaj mafia. Sipas vet pohimeve të familjareve të tij, ishte bërë gati të kthehej në bashkëpunëtor të drejtësisë, duke i dhënë kësaj çështje Tahiri-Habilajve një zgjidhje vendimtare, dukem rrëzuar çdo alibi të Ramës për mosvënien pas hekurave të ministrit të tij të shembullit. Duke i dhënë Shqipërisë peshkun e madh të parë, për t’i hapur rrugë peshqve të mëdhenj, autorët e inkriminimit të Shqipërisë”, tha Basha.
