Lideri i opozitës Lulzim Basha ka zhvilluar sot një takim online me të rinjtë dhe përfaqësuesit e “European Democrat Students”.
Pas këtij takimi Basha thekson se vendosmëria dhe përkrahja e të rinjve është motori i aleancës tëqytetare për ta ndryshuar Shqipërinë më 25 prill, të gjithë së bashku.
“Sot pata kënaqësinë të takohem me të rinj dhe të reja që kërkojnë ndryshim dhe punojnë çdo ditë për të sjellë shpresë dhe frymëzim në vendin tonë. Vendosmëria dhe përkrahja e tyre është motorri i aleancës tonë mbarëqytetare për ta ndryshuar Shqipërinë më 25 prill, të gjithë së bashku.
Ndava me të rinjtë në sallë dhe me të tjerë virtualisht, shqetësimin se Shqipëria ka mbetur në vendnumëro me Edi Ramën. Ai ka dështuar në çdo fushë dhe nuk mund ta nxjerrë vendin nga kolapsi ku e ka zhytur. 75% e të rinjve shqiptarë duan të largohen nga vendi, ndërsa 94% e atyre që studiojnë jashtë nuk duan të kthehen. Rama hartoi ligjin për arsimin e lartë për t’i nënshtruar studentët, pedagogët dhe universitetet shqiptare. U angazhova edhe një herë para studentëve, se pas 25 prillit ne do ta abrogojmë këtë ligj dhe do të shkruajmë bashkë me ta një ligj të ri që garanton autonominë universitare dhe cilësinë e arsimimit të tyre.
Risolla përpara të rinjve angazhimin për të mos lënë asnjeri pa studiuar për shkak të pamundësive ekonomike. Studentët nga familjet me të ardhura nën 640 mijë lekë të reja/muaj do të përfitojnë 100% financim të tarifave të studimit, ndërsa të tjerët 50%. Theksova edhe angazhimin tjetër të rëndësishëm për 10 mijë stazhe të paguara. 300 mijë lekë në muaj çdo vit për studentët tanë më të mirë.
