Kreu i demokratëve Lulzim Basha pas takimit me Monika Kryemadhin, është shprehur se ky takim ka pasur në fokus axhendën që opozita do të vijojë në këtë sezon të ri politik.
Basha ka ndarë një nga shqetësimet kryesore të opozitës që ka të bëjë me dy koncesionet e rrugëve Milot-Balldren dhe Vlorë-Orikum ku akuzoi kryeministrin Edi Rama se po bën ligj për të vjedhur.
“Protesta ka pasur dhe do të ketë, edhe më të fuqishme. Por tani për momentin jemi fokusuar në skandalin që ka plasur me 2 koncesionet Milot-Balldren dhe atë Vlorë-Orikum. Me aferën korruptive Milot- Balldren duan t’i bëjnë shqiptarëy të paguajnë 5 herë më shumë nga çmimi real, duan të vjedhin me një të rënë të lapsit 200 milionë euro. Ka një analizë të plotë të dëmit ekonomik që i shkaktohet buxhetit të shtetit, dhe sa u bë analiza u përshpjetua rrëzimi i dekretit të Metës, dhe rifutja në rend të ditës sa më shpejt i miratimit të tyre në Kuvend. Kuptohet që ky nuk heq dorë, nuk ka plan tjetër përveç vjedhjes. E dyta që është fare e qartë është që ndërtesa që ndodhet prapa selisë tonë që duhet të ishte vendi ku frenohet është kthyer në vendin ku ligjërohet vjedhja. Me Edi Ramën nuk ka dhe do të ketë marrëveshje, dhe sa më shpejt ta largojmë këtë noter hajduterie aq më shpejt do ti kthejme këto para në investime. Këto para nuk do të mund t’i marrin kurrë“, u shpreh Basha para gazetarëve.
