Kryetari i PD-së, Lulzim Basha ka reaguar sërish për kalimin e Tetarit Kombëtar në pronësi të Bashkisë së Tiranës si edhe për dhunën e ushtruar gjatë protestës së sotme ndaj shoqërisë civile në protestën e zhvilluar prej tyre në Sheshin Skënderbej.
Përmes një postimi në Twitter, Basha shkruan se kryeministri Rama ka vulosur një akt lufte ndaj artit dhe popullit shqiptar me këto veprime.
STATUSI I PLOTE
Ky regjim po përdor edhe pandeminë për grabitjen e Teatrit Kombëtar dhe projektin e pastrimit të parave të krimit. Kalimi i TK në pronësi të kryebetonierit të mafias dhe dhuna fashiste ndaj protestuesve paqësorë është akt lufte i Ramës ndaj artit dhe qytetarëve shqiptarë. Pasi i vjedh përditë dhe i gënjen me premtime boshe, Rama përdor dhunë fashiste kundër qytetarëve edhe sot në #EuropeDay. Kjo dhunë barbare është përgjegjësi direkte e Ramës. Babëzia për të zhvatur TK është vepra e tij.
