Të ndryshojmë kushtetutën dhe të zgjedhim presidentin nga populli, ky është propozimi i fundit që vjen nga kryetari i PD-së Lulzim Basha, në mesine krizës politike. Duke folur në çadër, Basha tha: “Na kane ftuar këte jave për punën e presidentit. Ne i kemi votat thonë por hajde ta votojmë bashkë. Atëherë oferta ime është kjo: të zgjedhim presidentin nga populli.
Për të demonstruar seriozitetin ju japim nje ofertë për presidentin. Të ndryshojmë kushtetutën dhe le ta zgjedhë populli”. Ai përsëriti qëndrimin e tij për zgjedhjet duke theksuar: “Zgjedhje ne 18 qershor nuk ka. Zgjedhje pa opoziten nuk ka e nuk ka per te patur. Cdo perpjekje per dialog duhet te kete parasysh se mbi standartet europiane per zgjedhjet e lira dhe te ndershme nuk do te kete asnje terheqje”.
