Kreu i Partisë Demokratike është shprehur nga Vora se kjo parti i ka zgjidhjet për krizën politike që e ka kapur vendin.
Basha u shpreh se është i hapur vetëm për dialog kombëtar me parakusht largimin e kryeministrit Rama nga kreu i shtetit.
Gjatë fjalës së tij, Basha u shpreh se Rama dhe aleatët e tij tani duhet të ishin para drejtësisë për blerjen e votave në Dibër dhe Durrës.
“Shqipëria është në udhëkryqin më të rrezikshëm në këto 29 vite. Vendi ka dy vjet pa gjykatë kushtetuese. Nuk ka asnjë institucion që të kontrollojë pushtetin e plotë të Ramës. Kriminelët e hajdutët kontrollojnë gjithë pushtetin.
Ne nuk do ta lejojmë këtë. Rama ik.
Koha nuk pret. Në ditët e ardhshme do vendoset fati i Shqipërisë. Në këtë betejë ne nuk ndahemi nga flamujt e partive. Por kjo betejë bëhet për të gjithë, për të çliruar Shqipërinë nga krimi, për të çliruar Shqipërinë nga varfëria, për të vendosur barazin para ligjit. Kjo betejë për çdo shqiptar që do të luftojë në këtë vend me ndershmëri.
Këto tre muaj e kanë transformuar tërësisht Shqipërinë. Ne sfiduam frikë, dhunën, gazin lotsjellës. U ngritëm me kurajo të gjithë së bashku në këtë betejë.
Më afër se kurrë për një Shqipëri të lirë.
Valbona Sako, Dionis Imeraj dhe Imer Lala duhet të ishte para drejtësisë për blerjen e votave në Dibër.”
https://www.facebook.com/lulzimbasha.al/videos/365675617403676/
