Kreu i Partisë Demokratike Lulzim Basha zhvilloi një takim me strukturat e partisë në Delvinë, ku sërish akuzoi qeverinë për gjendjen e mjeruar të sistemit të shëndetësisë dhe situatës ekonomike në vend.
“Në këto 3 vite janë dhënë 1 miliardë dollarë për shëndetësinë, por jo vetëm që nuk është shpenzuar asnjë lek për përmirësimin e shërbimit i cili është përkeqësuar, por paratë kanë shkuar në 2-3 klientë të Edi Ramës“, është shprehur Basha.
“Kurrë Partia Demokratike nuk ka qënë në bisht të ndryshimit. Gjithmonë i ka prirë asaj. Ndaj sot jemi mbledhur këtu, jo vetëm për të ndarë dhe diskutuar hallet dhe problemet e përditshme, por edhe rrugët e zgjidhjes që kalojnë përmes platformës tonë të kthimit të pushtetit tek qytetarët”, tha Basha.
