“E përsëris ftesën drejtuar kryeministrit të ulemi dhe të bisedojmë me konsensus, tu ofrojmë shqiptarëve një drejtësi të pavarur”
Kryetari i Partisë Demokratike, Lulzim Basha, akuzoi kryeministrin Rama si pengesë për arritjen e konsensusit për reformën në drejtësi. Në mbledhjen e grupit parlametar demokrat, Basha tha se PD po ofron bashkëpunimin, por ajo që e pengon është vetë kryeministri Edi Rama, I cili sipas tij, nuk është i interesuar për tu kryer kjo reform.
“Pengesa për reformën në drejtësi e ka emrin Edi Rama. Alibitë dhe alibirat nuk vlejnë më. Korniza është e qartë, Venecia solli opinionin e saj, raportërët erdhën dhe shkuan, ne presim dhe opinionin final por pata e kapjes së drejtësisë nuk do t’ia bëjë vezën e artë Edi Ramës, drejtësia shqiptare nuk do të kapet.Tani është momenti që të dalë dhe të flaës qartë, pa u fshehur ps ekspertëve, të dalë dhe të thotë nëse e do reformën në drejtësi, e ka me të vërtetë, apo e kishte dhe e ka një alibi sepse i leverdis drejtësia e kapur, e shantazhuar, drejtësia si alibi dhe jo si fakt. Nëse po, përsëris ftesën të ulemi dhe të bisedojmë me konsensus, tu ofrojmë shqiptarëve një drejtësi të pavarur, të pastruar nga korrupsioni dhe të pa kapur politikisht”, tha Basha.
Kreu i opozitës e akuzon kryeministrin si pengesë edhe për çështjet që është rënë dakord deri tani. “Edhe për çështjet që kemi rënë dakord Edi Rama zvarritet. Është dita të themi se PD ra dakord me draftin e propozuar nga ekspertët amerikanë për byronë e hetimit, e drejtuar nga Prokuroria, e trajnuar nga qendrat më të specializuara të botës dhe me një mandate të qartë hetimin e korrupsionit në nivele të larta. Kemi 3 muaj që kemi dhënë dakordësinë. Ky zotëri që çirret nga mëngjesi deri në darkë për domosdoshmërinë e reformës në drejtësi pse nuk e jep dakordësinë? Çfarë e pengon, kush e ka kapur për xhakete, kush jam mban dorën? Forcë e madhe duhet të jetë ndërsa ka 4 muaj që refuzon partnerin tonë strategjik SHBA në një objektiv po kaq strategjik siç është lufta kundër korrupsionit”, tha Basha.
