Kreu i Partisë Demokratike Lulzim Basha deklaroi pas vizitës në Elbasan se partia e tij është e vendosur për të sjellë një të ardhme më të mirë për Shqipërinë. Basha thotë se kudo ku shkon, Rama do i gjejë të djathtët me të gjithë fuqinë e tyre.
Kryedemokrati thekson se do të garantojnë që Rama të shkojë në shtëpi dhe ndryshimi i Shqipërisë do të fillojë.
“Koha e Ramës ka ikur dhe ai e ka kuptuar këtë. E vetmja gjë që i ka mbetur është të kërcënojë dhe të ndërsejë miqtë e tij kriminelë kundër nesh. Nuk do ta ndihmojë as kjo. Ne jemi të vendosur për të sjellë ndryshimin.Ne jemi të vendosur për të sjellë një të ardhme më të mirë për Shqipërinë. Kudo ku shkon, Rama do të na gjejë me gjithë fuqinë tonë. Ne do të garantojmë që Rama të shkojë në shtëpi dhe ndryshimi i Shqipërisë të fillojë”, shkruan Basha.
