Kryetari i Partisë Demokratike pret në takim Eurodeputeten Tanja Fajon
Partia Demokratike nuk do të ofrojë konsensus për Reformën në Drejtësi pa u zbatuar vendimet e Gjykatës Kushtetuese. Ky është qëndrimi i përsëritur i kryetarit të kësaj partie, Lulzim Basha edhe në takimin që pati sot eurodeputeten Tanja Fajon. Eurdeputetja ka mbajtur detyrën e Raportueses për Shqipërinë në kohën e liberalizimit të vizave. Në takim, Basha ka theksuar në takimin me zonjën Fajon se Shqipëria ka bërë hapa prapa përsa i përket zbatimit të ligjit, demokracisë, standardit të zgjedhjeve dhe situatës ekonomike.
“Implementimi i vendimeve të Gjykatës Kushtetuese në asnjë vend demokratik nuk negociohet por zbatohet theksoi Kryetari i Partisë Demokratike e kjo nuk mund të vihet në diskutim as në Shqipëri. Partia Demokratike nuk tërhiqet dhe se pa zbatuar vendimet e Gjykatës Kushtetuese nuk mund të ketë asnjë premisë për dialog të mirëfilltë politik. Partia Demokratike, qëndron fort për vlerat dhe parimet demokratike, Kushtetutën, zgjedhje të lira dhe të ndershme, drejtësinë e pavarur dhe të pakapur që lufton dhe nuk mbron korrupsionin dhe krimin me lidhje qeveritare”, tha Basha.
