Pas humbjes së thellë në zgjedhjet e pjesshme lokale në 6 bashki, kryedemokrati Lulzim Basha ka zhvilluar një tjetër mbledhje me deputetët të cilët hapur kanë vendosur si përgjegjës të kësaj humbjeje Bashën.
Në mbledhjen e zhvilluar pak më parë, mësohet se kryedemokrati i është drejtuar grupit me një thirrje për betejë të përbashkët, ku sipas tij përgjegjësia është e të gjithëve.
“Përgjegjësia bie te të gjithë, por fillon me mua. Secili duhet të mbajë përgjegjësi. Ne kemi në dorë të qëndrojmë, të bëjmë betejë, të bëjmë ndryshime, të tejkalojmë kultin e individit, për t’u bërë gati për betejën e ardhshme”, është shprehur ai.
