Kreu i Partisë Demokratike, Lulzim Basha i është bashkuar protestës së Astirit në ditën e 27 –të qendresës së tyre. Basha në një prenoncim për gazetarët tha se në këtë projekt korruptiv, po pasurohet vetëm kryeministri Edi Rama, të cilin e cilëson si agaja e Surrelit.
Nga ana tjetër kreu i PD-së, nuk kursen sulmet as ndaj kryeprokurores, Arta Marku, heshtjen e të cilës e cilëson si bashkëpunim.
“Më vjen mirë që e shtruat këtë çështje si ballafaqim por këtu, është një ballafim midis të drejtës ligjit dhe korrupsionit. Tre fakte kanë dalë, korrupsion me Prokurorinë që do të thotë që këtu kemi të bëjmë me një një aferë korruptive. Këtu po vidhen me një dorë milionë euro, 20-30 miliona euro po vidhen. Janë paratë e shqiptarëve që po vidhen dhe jo këtyre që protestojnë. Po nxirren nga shtëpia pak para festive të fundvitit, vetëm që të pasurohet agaja e Surrelit.
Me ndihmën e gazetarëve profesionistë do u hapim një derë mbi dhunën që i është ushtruar atyre, terrorit psikologjik.
Ne nuk do t’i lëmë vetëm do jemi në krahun e tyre për t’i mbrojur strehën e shtëpive të tyre. Ju falënderoj edhe juve që të kemi transparencë në projektin e kësaj megavjedhje. Heshtja e prokurorisë tregon se është kapur dhe bërë palë me krimin. Duhet t’ia vini mikrofonin Arta Markut, ta pyesni pse nuk reagon. Njerëz me profil kriminal u bëjnë presion banorëve që të braktisin banesën. Kanë hequr edhe pemën në formë hajdutçe”, u shpreh ai.
