Kryetari i PD, Lulzim Basha ka zhvilluar një takim me fermerë të Progrit, në Devoll. Basha a shkuar në tokat e tyre, ndërsa ka dëgjuar problemet e fermerëve.
Basha është takuar me dy fermerë atë e bir, Mediun dhe Aurelin, ndërsa ata shprehet se vitin e kaluar ka pasur 40 mln lekë humbje dhe se është drejt falimentimit. Basha premtoi ndihmë për fermerin duke siguruar tregun dhe pse jo eksportin.
“Fermeri shqiptar e nxjerr koston e patates më lart se fermeri grek dhe maqedonas. Nuk ka mbështetje nga shteti. Një shtet dhe qeveri në krah të fermerëve dhe njerëzve punëtorë, kjo është motoja ime. Nuk ka nevojë për lëmoshë por për një qeveri dhe kryeministër që jeton me ta, ndjen dhuimbjen e tyre dhe nuk ka nevojë të bëjë mrkeullira. Me programin tonë deo t’i japim kushte të barabarta tregut. Jo vetëm të ndihmojmë fermerin shqiptar të konkurrojë denjësisht në tregun e brendshëm por dhe që prodhimet e tyre të eksportohen. Ky prioritet do jetë realitet së shpejti me një qeveri që nuk punon për oligarkët por për shqiptarët.
Një shtet në krah të punës, në krah të njerëzve punëtorë, një shtet dhe një qeveri në krah të fermerëve dhe të njerëzve punëtorë. Kjo është motoja ime dhe kjo do të jetë realiteti me qeverisjen e ardhshme. Nuk premtoj asnjë mrekulli dhe nuk ka nevojë për mrekulli, nuk ka nevojë për lëmoshë, ka nevojë vetëm për një qeveri, për një kryeministër që mendon me këta, ndjen me këta, ndjen dhimbjen e tyre dhe bën gjithçka për t’i ndihmuar dhe nuk ka nevojë të bëjë mrekullira”, deklaroi Basha.
