Kryetari i opozitës Lulzim Basha ka vizituar ditën e sotme fermerët dhe tregtarët e vegjël të Rrogozhinë.
Përmes një videoje të shpërndarë në Facebook, Basha thekson se nga ajo që u dëgjua, kuptohet se gjendja e fermerit shqiptar sidomos është katastrofale.
“Propaganda me regji qendrore nuk mund të fshehë dështimin e Edi Ramës. Sepse paratë që u jepen oligarkëve do të mjaftonin që fermeri shqiptar të paktën ta mbante kokën mbi ujë në këtë periudhë. Gjëja e parë, shpëtimi, është vota e lirë. E gjithë Shqipëria punon për 5 oligarkë, por kjo duhet të marrë fund. Kjo është Shqipëria reale, jo ajo që shfaqet me regji qendrore dhe që duhet të marrë fund sa më parë.“, u shpreh Basha.
