Kreu i PD takon banorët e Fanit, Kthellës dhe Rubikut
Kryetari i Partisë Demokratike, Lulzim Basha ka patur takime me banorët e Fani, Kthellës e Rubikut në Mirditë. Në një njoftim të PD, thuhet se “banorët e kanë njohur Basha me varfërinë e madhe që ka pushtuar këto zona, papunësia e lartë, pamundësia për të paguar energjinë” etj.
Basha u ka thënë banorëve se Rama e përdor qeverinë për kriminelët që ka përreth. “Këta që bërtasin shtet-shtet-shtet, shtetin e paskan për Emilianon, shtetin e paskan për Koço Kokëdhimën, shtetin e paskan për bijtë e tyre që të marrin tenderat e shqiptarëve, të marrin tenderat e OSHË-së, të marrin hekurudhën shqiptarëve, të veshin syze 60-mijë euro, aq saç është ndihma ekonomike në muaj për Mirditën. Ku qenka shteti? Shteti ku OSHË-ja vetëm në një vit ka abuzuar me fondet, me taksat, me tarifat që iu merr shqiptarëve 21 milionë dollarë. Shteti ku vitin e kaluar vetëm për karburant dhe për makinat e shtetit janë abuzuar 34 milionë dollarë. Imagjinoni se çfarë shifrash bëhet fjalë, sa për të ngrit pensionet e gjithë Shqipërisë”, ka deklaruar Basha.
