Lideri i opozitës Lulzim Basha, ka reaguar me një mesazh ngushëllues për ndarjen nga jeta të ish-kryetarit të Bashkisë Pukë, Beqir Arifaj, për shkak të COVID-19.
Basha shprehet se Arifaj do të kujtohet përherë me mirënjohje për kontributin e dhënë për Shqipërinë e zhvilluar dhe demokratike.
“Beqir Arifaj do të kujtohet përherë me mirënjohje nga brezat e nxënësve që arsimoi me pasion dhe dhembshuri, nga familjet pukjane për të cilat punoi pa pushim dhe nga të gjithë ne miqtë e kolegët e tij të betejave për Shqipërinë e zhvilluar dhe demokratike. U prehtë në paqe”, shprehet Basha.
Reagimi i kryedemokratit Lulzim Basha:
“Mësova me hidhërim të thellë për ndarjen nga jeta të Beqir Arifajt, arsimtarit, politikanit dhe ish-Kryetarit të Bashkisë Pukë. Ngushëllimet, lutjet dhe mendimet e mija janë me familjarët që humbën babain dhe bashkëshortin e përkushtuar, dhe me gjithë miqtë dhe kolegët e tij. Beqir Arifaj do të kujtohet përherë me mirënjohje nga brezat e nxënësve që arsimoi me pasion dhe dhembshuri, nga familjet pukjane për të cilat punoi pa pushim dhe nga të gjithë ne miqtë e kolegët e tij të betejave për Shqipërinë e zhvilluar dhe demokratike. U prehtë në paqe!”, shkruan Basha në rrjetin social “Twitter”.
