Pasi e përzunë banorët e Zharrëzës nga protesta Basha sqaron qëndrimin e PD-së me këtë protestë dhe u kërkon falje banorëve
Kryetari i opozitës Lulzim Basha ka deklaruar se u ka kërkuar falje banorëve që nuk arritëm, sipas tij, të mbronim shtëpitë dhe jetët e tyre.
Në një prononcim për dritare.net Basha sqaroi se kontrata me Bankers nuk është nënshkruar në kohën që qeveriste PD-ja, por në kohën e qeverisjes së Nanos. Më tej Basha ka deklaruar se ka mbajtur kontakte me grevistët gjatë gjithë grevës së tyre.
“Kam qenë gjatë gjithë kohës në kontakt. Më kanë mbajtur në dijeni, pasi vetë ata më morën në telefon. Kontrata me Bankers nuk është nënshkruar në kohën që qeveriste PD-ja por në kohën e qeverisjes së Nanos. Unë u kërkova falje banorëve që nuk arritëm të mbronim shtëpite dhe jetët e tyre. U premtova që do të marrim masa për t’i mbrojtur. Do t’i mbështesim në kauzën e tyre”, tha Basha.
