Kryetari i Partisë Demokratike Lulzim Basha e ka cilëësuar si luftë personale atë të kryeministrit Edi Rama dhe sipërmarrësit italian Francesco Becchetti, e cila do t’iu kushtojë shqiptarëve 110 milion euro, 4560 lekë çdo shqiptar.
Basha ka publikuar në ”InstaStory” një tjetër dështim sipas tij të kryeministrit Edi Rama, duke iu referuar vendimit të një dite më parë, ku kreu i qeverisë humbi gjyqin ndaj Bechettit.
“21 ditë deri më 25 prill. 100 dështimet e Ramës në 8 vite. Sa do t’u kushtojë shqiptarëve lufta personale e Edi Ramës me sipërmarrësin italian Francesco Becchetti? Përgjigjja: 110 milionë euro për shkak të papërgjegjshmërisë së Edi Ramës, çdo shqiptar do të paguajë 4.560 lekë për mbylljen e televizionit “Agon”, shkruan Basha.
