Ish kryedemokrati Lulzim Basha ka lënë pas mëritë dhe i dalë në krah ish kryeministrit Sali Berishës pas sulmit ditën e sotme në protestë, ku një person e qëlloi me grusht në fytyrë.
Në postimin e tij, Berisha kërkon që ngjarja të hetohet dhe të zbardhet plotësisht. Sipas tij dhuna është tregues i një vendi pa zgjedhje të lira dhe pa drejtësi.
“Dënoj ashpërsisht sulmin fizik ndaj z. Berisha. Kjo ngjarje duhet të hetohet dhe të zbardhet plotësisht. Dhuna nuk mund të jetë kurrë zgjidhje. Ajo është vetëm tregues i një vendi pa zgjedhje të lira, pa drejtësi, pa demokraci funksionale dhe me korrupsion të pandëshkuar”, shprehet Basha.
Për sulmin ka reaguar edhe Enkelejd Alibeaj që shkruan: “sulmi ndaj çdo politikani, e ndaj çdo individi, është një akt i dënueshëm dhe i pavend në një shtet funksional demokratik.”
“Dënoj me forcë aktin e sotëm të dhunës ndaj Sali Berishës. Sulmi ndaj çdo politikani, e ndaj çdo individi, është një akt i dënueshëm dhe i pavend në një shtet funksional demokratik.
Incidenti i sotëm duhet të zbardhet urgjentisht nga organet përgjegjëse ndërsa kultura e dhunës duhet përjashtuar njëherë e përgjithmonë nga zhvillimet e politikës në Shqipëri”, shkruan Alibeaj.
