Kryedemokrati Lulzim Basha, në një prononcim për gazetarët në selinë blu, ka thënë se nuk do të ketë mbledhje të Kuvendit Kombëtar të PD, kundër vendimit të dhënë nga qeveria amerikane.
Sa i përket akuzave të liderit historik të PD për pazare me Edi Ramën për ndryshimet kushtetuese, Basha deklaroi se nuk do të ndodhë kurrë që ai të jetë peng i kryeministrit, ashtu siç e cilësoi paraardhësi i tij nga “Foltorja” e Fierit.
“Për 8 vite me radhë Edi Rama më ka akzuar për kukull të Sali Berishës, dje më ka akuzuar Berisha për pazare me Ramën. E para, është gënjeshtër, e dyta, nuk do ndodhë kurrë. Të dyja nuk janë të vërteta. Partia Demokratike po ecën përpara dhe kjo gjë vjen vetëm me largimin e këtij regjimi. Ky është misioni i Partisë Demokratike.
Sa i përket pretendimeve për Kuvend të PD, për të marrë në shqyrtim vendimin e qeverisë amerikane s’ka për të pasur. Objektivat tona janë përballja me Edi Ramën dhe regjimin e tij dhe fuqia jonë do të përqendrohet këtu. Nuk ka për të pasur kuvend të PD, që shqyrton vendimin e qeverisë së SHBA”, tha Basha.
Vijon….
