Kreu i PD-së Lulzim Basha në konferencën e sotme me gazetarët ka ritheksuar se kryeministri Rama është kapur duke vjedhur zgjedhjet, siç pretendon ai, nuk mund të jetë zgjidhje dhe zgjedhje në vend.
Sipas kreut të PD-së, asnjë shqiptar nuk beson më se mund të ketë zgjedhje me Edi Ramën, i cili sipas tij, në një vend tjetër europian sot do të ishte në burg.
“Është kapur nga prokuroria duke vjedhur 3 palë zgjedhje. Kjo është e panegociueshme. Edhe socialisti më i thekur, 24 karatsh, nuk do të besonte. Asnjë shqiptar nuk beson më se mund të ketë zgjedhje me Edi Ramën. Nuk ka njeri në Shqipëri që beson se me Ramën mund të ketë proces të rregullt zgjedhor. Në Europë, me këto që ka bërë, jo vetëm që nuk do të ishte kryeministër, por do të ishte në burg. Largimi i Edi Ramës i hap rrugën një procesi politik. PD dhe opozita mbeten të gatshëm të mirëpresin angazhimin e faktorit ndërkombëtar në zgjidhjen e krizës së rëndë në vend”, tha Basha.
Basha ka komentuar gjithashtu listën e kandidatëve për kryetarë bashkie të Partisë Socialiste për zgjedhjet e 30 qershorit, duke i cilësuar ata si persona të inkriminuar, vegla të grupeve kriminale dhe se nuk përfaqësojnë socialistët e vërtetë. Basha përmendi edhe emra, kur tha se kandidati i Partisë Socialiste në Shijak, ka prova që është i inkriminuar me Abdylajt dhe Keçajt. Po kështu shumë shpejt PD do publikojë edhe fakte për kandidatët e tjerë në listë.
“Nesër kam thirrur forumet më të larta të PD-së, për një konsultë të opozitës së bashkuar për aksioni politik të protestave. Ky është momenti për të intensifikuar dhe për të vazhduar me vendosmëri betejën tonë. Kam marrë me mijëra mesazhe optimizmi. Ndërkohë në grahmat e fundit, Edi Rama i pashpresë po mundohet t’i imponojë shqiptarëve një sistem të pashpresë. Anagrama e kandidatëve përfshin nga kriminelë, te emërtesat e bandave kriminale të dosjes 339, 184, te veglat e Edi Ramës të cilët kanë qenë pjesë mesa duket edhe të ngjarjes së inskenuar të 21 Janarit. Nuk është një listë e socialistëve të vërtetë shqiptarë”, deklaroi Basha në një takim me gazetarët në selinë e PD.
https://www.facebook.com/lulzimbasha.al/videos/1125635850978216/
